>W Mikołowie na jarmarku<

W Mikołowie na jarmarku,
Kupiyli my koza.
Co skokała i beczala,
A mlyka niy dała.
Powiedzieli mi mamulka:
Synku dej i siana,
Bo ta koza niyzdarzono,
Beczy już od rana.
Powiedzioł żech mamuliczce,
Żeby jom zabili,
Bo to dioboł jest rogaty,
Doś my sie zgorszyli.
A mamulka mi pedzieli:
Poczekomy roczek,
Bo to możno taki podciep,
Kozioł niyboroczek !

K A C Z Y C E

Za stodołom na rzyce, na rzyce
Pasła dziołcha kaczyce, kaczyce
Pasła dziołcha kaczyce...
Prziszoł ku nij Janiczek, Janiczek
Nawróciył ji kaczyce, kaczyce
Nawróciył ji kaczyce...
Jako żeś ich wołała, wołała
Jakżeś żrać im dowała, dowała
Jakżeś żrać im dowała...
Wołała żech taś, taś, taś - taś, taś, taś
Przijdź tu ku mie, przidź tu zaś, przidź tu zaś
Przidź tu ku mie, przidź tu zaś...
Ale nie przidź w sobota, w sobota
Bo mom pilno robota, robota
Bo mom pilno robota...

Przidź ty ku mie w niedziela, w niedziela
Bydzie dużo wesela, wesela
Bydzie dużo wesela...
A łon prziszoł w sobota, w sobota
Rzaznył rziciom do grota, do grota
Rzaznył rziciom do grota...
Wziyni deska dymbowo, dymbowo
Zrobili mu rzic nowo, rzic nowo
Zrobiyli mu rzic nowo...

Rybka

Przi studziynce siedziała,
Do wodziczki patrzała.
Wypatrzała tam rybeczka,
Co polykała wodziczka.
Rybko, rybko, rybeczko,
Tyś mojom kochaneczkom.
Ty wiysz co tropi serce me,
Ty wiysz kaj moj karlusek jest.
Rybka z wody wyjżala,
Do dziyweczki pedziała:
Niy czekej dziołcho na niego,
Namow se synka inkszego.
Oto siedzi Utopek,
Taki malutki chopek,
Kożdy dziyń na cia wachuje,
Na wioneczek nalatuje...!

Jak jo jechoł do Glywic

(melodio na obrozku)

Jak jo jechoł do Glywic,
Sztrudi - rala - la...
Nimioł żech piniyndzy nic
Sztrudi -rala - la
Jak żech jechoł do Glywic,
Sztrudi - rala - la,
Ni mioł żech piniyndzy nic,
Ahoj, ahoj, ahoj !
Jada jo se tak dalij,
Sztrudi - rala - la,
Szafner ku mie już wali,
Sztrudi - rala - la...
Jada jo se tak dalij,
Sztrudi - rala - la,
Szafner ku mie już wali,
Ahoj, ahoj, ahoj !
Bitte zeigen Sie billet,
Sztrudi - rala - la,
Cof sie byś niy dostoł w łeb,
Sztrudi - rala - la.
Bitte zeigen Sie billet,
Sztrudi - rala - la,
Cof sie bo cie pizna w łeb,
Ahoj, ahoj, ahoj !
Jak mie wiyzli na łodwach.
Sztrudi - rala - la,
Jo im bracie fuk przez dach,
Sztrudi - rala - la.
Jak mie wiyzli na łodwach,
Sztrudi - rala - la.
Jo im bracie fuk przez dach,
Ahoj, ahoj, ahoj !
Chyciyli mie na moście,
Sztrudi - rala - la,
Wlepiyli mi piytnoście,
Sztrudi - rala - la,
Chyciyli mie na moście,
Sztrudi - rala -la.
Wlepiyli mi piytnoście,
Ahoj, ahoj, ahoj !
Legnył żech se pod płotym,
Sztrudi - rala - la,
Przikrył żech sie kabotym,
Sztrudi - rala - la,
Legnyl jo sie pod płotym,
Sztrudi - rala - la,
Przikrył zech sie kabotym,
Ahoj, ahoj, ahoj !
Prziszoł pies powonioł mie,
Sztrudi - rala -la,
Dzwignył noga pojscoł mie,
sztrudi - rala - la,
Prziszol pies, powonioł mie,
Sztrudi - rala - la.
Dzwignył noga pojscoł mie
Ahoj, ahoj, ahoj !!!!

J o r g u ś   

( melodia grom na organkach po kliknyciu na obrozek )

Tyn nasz Jorguś z Familoków,
Ciynżko robiył niy bydzie... (bis)

Jyno w karty grać, - pierona
Piwko popijać !
To nojlekszo jest robota,
Inkszyj łon sie niy pornie. (bis )

Powiedziała mu mamulka:
Synek chyć sie roboty... (bis)

Ale tyn pieron,- uparty,
Dalij gro w karty.
Wszystko w doma poprzegrywoł,
Przegroł łojcu galoty. ( bis )

Jak sie nasz Jorguś łożyniył,
Szwigra fest chalatała (bis)

Chodzi i sznupie, - tyn pieron...
W cołkij chałupie.
Powynosiył wszystko z góry,
Przegroł w karty dwie kury. ( bis )

Weźcie muter nazod synka,
My go tukej niy chcymy... (bis)

Jak sie na chałpa, - łożyniył,
Musi sztyjc zganiać,
A wasz Jorguś niy chce robić,
Yno w szynku w karty grac. ( bis )

Niy byda sie żyniył

Niy byda sie żyniył,
Bo mi baby niy trza.
Kupia jo se za to
Kupia jo se za to,
Porządnego wieprzka !
Wieprzka se zabija,
Byda mioł słonina,
Byda miol czym maścić,
Byda miol czym maścić.
Kapusta na zima !
Narobia se wusztu,
Uwyndza wyndzonki,
Niy byda już jodoł,
Niy byda już jodoł,
Jalowyj wodzionki !
Jak mi minom lata,
I chynci dostana,
Znojda jakoś wdowa,
Znojda jakoś wdowa,
U keryj łostana !
Powiesza se czopka,
U wdowy we siyni,
I moja samotność,
I moja samotność,
Zaroz diobli wziyni !

Stoji u wody...

Stoji u wody, myśliwczyk młody,
Woło na... szwarno dziyweczka, po...dej mi wody. (bis)
Jakoż jo..o mom wstać, wody ci podać,
Jest zech boso, zimno rosa, bydzie mie uziombać. (bis)
Łoblyc pończoszki, na biołe nożki,
Jak Ponboczek dopomoże, kupia ci szczewiczki. (bis)
Strzelczyku młody, szanuj urody,
Prziniyś z la...sa mi zają...czka, a dom jo ci wody. (bis)
Ty sie niy starej, gibko wody dej,
W lesie zajączek, czeko bojączek, musza go szukać hej !(bis)

Niedzieliczka
( melodia ludowo)

Wczoraj była niedzieliczka,
Dzisioj smutny dziyń.
Zabolała mie głowiczka,
Na cołki tydziyn.
Zabolała, niy przestała,
Moji oczka wypłakałach,
Mamulko moja.
Czamuście mie mamuliczko,
Tak wczas wydali,
Jak żeście mie w chałpie robić,
Niy nauczyli.
Teraz trzeba gospodarzić,
Chleba napiyc.
Jeść nawarzić,
A jo niy umia.
Daliście mi sto talarów,
I pora koni.
A ku tymu dwie krowiczki
I czworo świni.
On mi wszystko to przepije,
Przidzie dudom, to mie bije,
Mamulko moja.
A jak Wy tu przijedziecie,
Mamulko moja,
To mi chopek piyknie godo:
Babeczko moja.
A jak Wy stad odjedziecie,
Wszystki konty mnom zamiecie,
Mamulko moja.
Niy godej mi moja dziołcho,
Takij gupoty.
Przeca sztyjc żech cie uczyła,
W chałpie roboty.
Ale tyś mie niy słuchala
Yno za nim żeś lotała,
Teraz niy płacz mi.