Wieczerzo Ślonzokow

Czelodkowe spotkania opłatkowe, to już idzie -pedzieć staro tradycja,

bo przeca od kiedy zawionzała sie ta rodzina laureatow konkursu

"Po naszymy czyli po ślonsku",

co roku trefiomy sie w rostomajntych miejscach naszyj domowizny,

keryj na miano Ślonsk.

Latoś spotkanie odbyło sie w Bytomiu, a zorganizowała go kamratka

Hanna Paszko, laureatka tego konkursu.

Jak idzie przeczytac na załonczonym zaproszyniu,

nojprzod trefiyli my sie w kosciele parafialnym naszyj

organizatorki, w Bytomiu - Miechowicach.

Piykny to jest kościoł pod wezwaniym Bożego Ciała,

niydowno wyremontowany.

Mszo w intyncji organizatorow i laureatow konkursu

"Po naszymu, czyli po ślonsku", celebrowoł metropolita

ślonski Kś.biskup Damian Zimoń.

Po mszy pojechali my wszyjscy do piyknyj sale w cyntrom miasta,

kaj reszta miała miejsce ta właściwo gościna,

czyli Wieczerzo Ślonzokow.

Były prziwitania, jak to dycko jest w zwyczaju opłatkowych trefow,

dzielynie sie opłatkiym i życzynia.

Były tyz szykowne wystympy dzieci z Bytomskij szkoły i naszych czelodkowiczow.

Nowych laureatow z 2009 roku przijyni my oficjalnie do naszyj czelodkowyj rodziny,

kero co roku sie powiynkszo, to tyż za niydługo bydymy musieli

te spotkania organizowac chyba w katowickim

"Spodku'.

Stoły były piyknie prziszykowane, a jodło dobre,

to tyż czas nom ślecioł gibko przi godce i śpiywaniu kolynd.

Podziynkowania dlo organizatorow - Prezydyntowi  Miasta Bytomia, 

Zwionzkowi Gornoślonskimu i sponsorom,

(kerych tu niy wylicza, bo niy znom wszystkich)

słozyła w imiyniu cołkij "Czelodki po naszymu"

nasza "Mamulka"-Pani Synator Maria Pańczyk-Poździej.

Wiyncyj fotografek idzie obejrzeć  tukej:

A tukej filmiki: