Jubileuszowy, X konkurs Wiedzy o ziymi ślonskij przeszoł do historie.
10 maj 2010
To już dziesionty roz Szkoła podstawowo nr 18 w Rybniku - Boguszowicach
zorganizowała konkurs "Moja Ty Ziemio Rodzima"
Jak dycko pytania konkursowe, opracowała w swojim stylu
Pani Kazimiera Drewniok - Woryna z Rybnika.
Trza tu pedzieć, że piyknie i malowniczo to zrobiyła.
Pytania i zadania konkursowe wcale niy były taki lekki.
Dlo przikładu, możecie moji rostomili sami popróbować swojich siył
na tych poru stronach, kere tukej niżyj Wom
pokazuja:
No i sami widzicie, że te bajtle ni miały lekkigo zadania, a było ich mocka, bo aże 42 z rostolicznych szkoł z cołkigo regionu. Kożdy uczyń siedzioł przi osobnym stoliku i yno 1 godzina mioł na wykonanie tego zadania.
A potym jurorzy ( miyndzy inkszymi i jo do nich należoł) wiecznie te zadanie
sprawdzali i punktowali tak, żeby żodne dziecko niy pokrziwdzić.
Dziecka jednak wykozały sie wielkom znajomościom o naszyj
ślonskij ziymi.
A nagrody były bardzo piykne:
Piyrsze miejsce wygrała uczynnica ze szkoły nr.11 w Rybniku
Anna Drewniok
Drugi miejsce wywalczył uczyń ze szkoły podstawowyj Jejkowice
Aleksander Szymura
Trzeci miejsce ze szkoły nr.3 Czerwionka - Leszczyny
Aleksandra Pietrek
i czworty plac uczynnica szkoły podstawowyj Budziska
Joanna Kostka
Jednak żodne dziecko niy zostało bez nagrody, bo było ich doś
sporo, chocioż ksionżka, ale zawsze coś.
