Ecik zrobiył nareszcie prawo jazdy i prosi lojca o pożyczynie auta. Lojciec ostro: – Poprow stopnie w szkole, przeczytej Biblio i obetnij twoji długi kudly, to wrocymy do tyj godki. Za jaki miesionc Ecik przilazi do lojca i godo: – Poprawiyłech stopnie we szkole, a Biblio znom już chned na pamiynć. Pożycz auto! – A kudly? – Ale tato! Przeca w Biblii wszyjscy: Samson, Mojżysz, nawet Jezus mieli długi szkuty na łepie! – No, widzisz, Ecik! I bezto laziyli piechty...
***
Blondynka dzwoni do warsztatu:
- Możecie kogoś
przisłać na miejsce? Auto mi nawaliło.
- A co mu je?
- Myśla, że do
gaźnika dostała sie woda.
- Kaj pani mo
te auto?
- Jakiś piynć
metrow łod brzegu.
*
Francik sie łożyniył, jak yno mu osiymnoście lot pizło.
Po nocy poślubnyj
weselnicy patrzom na niego, a łon ślimce.
- Francik, no i czamu płaczesz? Tyś sie mosz radować...!
- Jakbych jo wiedzioł, że to tak fajnie
bydzie, to bych sie już downo łożynił.
*
Dorka to ci była, ale rajcula. Łona
wszystko umiała w śmiych łobrocić.
Ale roz chciała gibko kajś zajechać, ale ni miała koła.
Łapła piyrwsze
lepsze spod kaczmy i jedzie.
No, ale to był klonkier, a niy koło. Ledwo
ujechała pora kroków - kopyrt.
Bechła gynał kole policjanta. Wystraszono, gibko stowo, trzepie sie z kurzu i pado jakby
nigdy nic:
-Widzioł pan, jaki jo mom dryg...
-Paniczko ! - pado policjant, co jo
widzioł, to u nos nazywajom rzić, a niy dryg...
Płacicie dwa
mandaty: za klamor koło i rzić goło.
*
Panie doktorze przijedźcie gibko, bo nasz Alojzik łyknył korkyncijer - telefonuje Maryjka na pogotowie.
- Już wyjyżdżomy, zaroz bydymy, a coście do teraz zrobiyli ?
- Otworzyli my flaszka nożym.
*
- Francek ! Skond mosz taki nowe koło ?
- Ach wiysz blank ajnfach żech prziszoł do niego. Był żech z Maryjkom na kompielisku, kompali my sie, potym sie zaczli całować, a potym Maryjka pedziała:"A teraz Francik weź se na co mosz ochota...!"
Toż mie niy trza dwa razy godać, łaps za koło i jest moje...
*
Wiysz, pado Antek - jo robia u takigo nerwowego majstra, jak sie znerwuje to sie zaroz robi cołki czerwony po gymbie...!
- To jeszcze nic - odpedzioł mu Francek - moj jak sie znerwuje, to jo mom cołki czerwony pysk.
*
Antek i Francek wlyźli roz na obiod do takij drogij restauracje.
Zjedli, wypiyli i poszli. Na drodze Antek sie pyto Francika:
- Czamu żeś portierowi doł 100zł? Czyś ty chopie ogupioł...!
- A czyś ty widzioł jaki mi mantel doł ?
*
Maryjki, kero doś drabko szła drogom ze sklepu, dognała z
biydom Rołza, kero jest doś przi sobie. Zafuczano nareszcie jom dopadła i godo:
- Dziyń dobry Maryjko ! Słyszałaś ta nowina o Pytlikach ?
- Niy, niy słyszałach…
No i podziwej sie jak to ludzie plotkujom. Bo jo słyszała,
żeś ty to już słyszała.
*
Dwóch kamratow, starych kawalerow trefiyło sie na weselu.
- Jakech był młodszy – godo jedyn drugimu – niy ciyrpioł żech chodzić na
śluby.
- Niy godej ! A toż czamu tak ?
-Bo dycko sie znojdła jakoś staro ciotka, kero mie po
plecach poklepowała i godała uradowano: „Teraz na cia dran!”
- No i co przestały ci tak godać?
-Ja przestały, od czasu jak jo tak zaczon robić na
pogrzebach.
*
Hajnel ze Stanikiym byli na wczasach nad jeziorym, pożyczyli
se łodka i wypłynyli na ryby z wyndkami. Nachytali mocka ryb i jak jadom już
nazod ku brzegu Stanik sie pyto:
- Nacechowoł ześ jako te szczyńśliwe miejsce, kaj te ryby tak
fest brały ?
-Na toć ! Zrobiył żech krziżyk na borcie w tym miejscu kaj
my chytali.
- Tela lot cie znom, a niy wiedzioł żech Hajnel, żeś tako
klipa ! Przeca jutro mogymy niy dostać w wypożyczalni ta
samo łodka !
*
Mały Richard rzyko na wieczor przi łożeczku:
- Ponboczku zrob tak żeby Madryt był stolicom Szwecje.
- Ale Richardku, co tyż to za gupoty godosz ?
- Bo wiycie starko jo tak napisoł na klasowce z geografie.
*
W szpitalu na Glywickij pyto sie dochtor chorego Bercika:
Tego samego Bercika na stowce pyto sie dochtor wojskowy:
- Słyszy pan dobrze?
- Yno tak poł na poł – pado Bercik
- Niemożliwe ! Albo słyszy sie wszystko, albo sie w ogóle
nie słyszy !
Zaraz to sprawdzimy. Proszę powtórzyć za mną:
„Dziewięćdziesiąt sześć”.
- Sztyrdziyści osiym ! – odpedzioł Bercik.
*
Mały Francik prziszoł do piekarza i godo:
- Mocie suche żymły ?
- Na toć mom...! A wiela żeś chcioł syneczku ?
- Dobrze Wom ! Po co żeście tela ich napiykli ?
*
Chycił wędkorz złoto rybka. Rybka obiecała spełnić życzenie ale ino jedno.
Wędkorz zastanowił sie dobrze i godo: - Chca wiedzieć kiedy umra.
- O, stary tego to jo ci akurat niy powiym, bo mi niy wolno.
- Ale moga ci zdradzic, co bydziesz robic po smierci.
- No dobra, godej.
- Bydziesz syndziom piłkarskim.
- Co syndziom? Przeca jo sie wcale nie znam na balu.
- No to sie drabko ucz, bo za dwa tydnie mosz piyrszy mecz!
*
Francek prziszoł na badania do przichodnie. Dochtor wejrzoł na jego czerwiony kichol i godo:
· Za dużo pijecie panoczku, a za mało jycie.
· Co zrobić Panie dochtorze, na wszystko niy styknie.
*
- Moja staro jest pieronym złośliwo – skarży sie Francik kamratowi.
- Prosiył żech jom roz, żeby mi zrobiyła taki łobiod, jak robiyła
